Oríṣun àwòrán, @Others
Ileeṣẹ ọlọpaa ipinlẹ Ondo ti fi panpẹ ofin mu afurasi meji ti wọn lọwọ ninu titẹ kaadi idanimọ ẹgbẹ oṣelu APC ninu iyẹwu wọn ṣaaju eto idibo abẹlẹ ọjọ ẹgbẹ naa ti yoo waye niluu Akure lọjọ Satide.
Eyi waye lẹyin ti ọọfisi ẹgbẹ naa niluu Abuja kede pe gbogbo awọn ọmọ ẹgbẹ to ba ni kaadi idanimọ ni yoo kopa ninu eto idibo abẹle naa.
Alukoro ileese ọlọọpa ipinlẹ Ondo, Funmilayo Odunlami-Omisanya ninu atejade kede pe ni kete ti wọn sin awọn ni ibẹrẹ ipakọ ni wọn bọ soju iṣẹ ti ọwọ si tẹ awakọ kan ti orukọ rẹ n jẹ Ariyo niluu Ondo.
Alukoro naa sọ pe awọn ọlọpaa ya bo ile ogbẹni Ariyo, nibi to ti n ṣe iforukọsile fun awọn ọmọ ẹgbẹ APC ki wọn le ni kaadi idanimọ ayederu ṣaaju ọjọ Satide.
O sọ siwaju si pe, wọn ba iwe iforukọsile ẹgbẹ oselu APC, orukọ awọn ọm -ẹgbẹ wọọdu keje niluu Ondo, aworan pelebe mẹtalelaadọta, iwe ti orukọ awọn eniyan wa ati nọmba ẹrọ ilewọ awọn eniyan lọwọ afunrasi yii.
Odunlami-Omisanya salaye pe awọn afunrasi meji yii ti n se iranlọwọ fawọn ọlọpa lati ṣawari awọn to ku to n hu iwa ibi yii.
Bẹẹni komisọna ọlọpa ipinle Ondo, Abayomi Oladipo kilọ fawọn oloṣelu lati ba awọn alatilẹyin wọn sọrọ nibi ti ti wọn ti n gbọ, ki wọn ma si ṣe da omi alaafia ipinlẹ naa ru.
O ni wọn yoo ṣe iṣẹ wọn bii iṣẹ lati ri daju pe wahala kankan ko waye lasiko eto idibo to abẹle naa to n bọ lọna.
Ki lo ti ṣẹlẹ ṣaaju?
Oríṣun àwòrán, NPF
Awọn oludije ti ko din ni meje; Jimoh Ibrahim, Olusola Oke, Wale Akinterinwa, Diran Iyantan, Dayo Faduyile, Gbenga Edema ati Jimi Odimayo ni wọn ti kọkọ fọwọsowọpọ lati kọwe si ọọfisi ẹgbẹ naa niluu Abuja.
Awọn meje yii sọ pe ọkan lara awọn oludije sipo gomina ti n tẹ ayederu kaadi ọmọ ẹgbẹ fawọn ti ki n se ojulowo ọmọ ẹgbẹ wọn.
Wọn rawọ ẹbẹ si awọn adari ẹgbẹ naa lati gbe igbese to yẹ ṣaaju eto idibo abẹle ẹgbẹ ọhun.
Awọn oludije yi rọ wọn lati fi orukọ awọn ọmọ-ẹgbẹ ti wọn ti fi orukọ silẹ, ti wọn si ni kaadi ẹgbẹ naa lede ni ibamu pẹlu ifohuntẹlu ajọ INEC.