Ìdí tí ilé ìgbìmọ̀ aṣòfin Eko ṣe kọ̀ láti fi òǹtẹẹ̀ lu Akin Abayomi, Omotsho àtàwọn 15 míràn fún ipò Kọmisọna

Ile Igbimọ aṣofin ipinlẹ Eko buwọlu Kọmisọna mejilelogun ninu orukọ mọkandinlogoji ti Gomina fi ransẹ.

Tokunbo Waheb, amugbalẹgbẹ Gomina tẹlẹ lori eto ẹkọ ati Dolapo Fasawe wa ninu awọn orukọ ti Ile Igbimọ aṣofin ipinlẹ Eko buwọlu.

Abẹnugan ile igbimọ aṣofin ipinlẹ Eko, Rt Hon Mudashiru Obasa ni igbesẹ ile lo da le lori ayẹwo ti ẹka ile igbimọ aṣofin to n risi ayẹwo sise tí Akọjanu ile, Fatia Mojeeb lewaju rẹ.

Abẹnugan ile wa kan sara si ẹka fun isẹ takuntakun, to si tun rọ awọn Kọmisọna ti ile igbimọ aṣofin buwọlu lati ri daju pe awọn sin araalu ni ilana to ba ofin mu

Obasa wa se ileri pe ile igbimọ aṣofin ipinlẹ Eko ko ni jawọ ninu gbigbe igbesẹ ti yoo mu idẹrun ba awọn eeyan ipinlẹ naa.

Lasiko ti wọn gbe orukọ wọn kọmiṣọnna naa de ile igbimọ aṣofin ni abẹnugan ile igbimọ aṣofin, Họnọrẹbu Mudashiru Obasa gbe igbimọ onigun mejila dide lati ṣayẹwo awọn orukọ naa.

Fidio to jade ni Ọjọru safihan bi awọn aṣofin ṣe n dibo lati buwọlu awọn kọmiṣọnna naa boya wọn fẹ abi wọn ko fẹ.

Nigba ti abẹnugan naa pe orukọ awọn ti wọn ni ko si ẹni to dibo fun ẹnikẹni ninu wọn.

Ko i tii han si ẹnikẹni idi ti awọn aṣofin naa fi kọ lati gba awọn aṣofin mẹtadinlogun naa.

Bakan naa ni awọn kan n woye pe orukọ ti wọn ro pe yoo wa nibe ko si nibẹ.

Amọ awọn ti wọn buwọlu yoo ṣiṣẹ fun ipinlẹ Eko, ti wọn yoo si fi orukọ wọn ranṣẹ si gomina lati buwọ lu wọn.

Agbẹnusọ fun Gomina Ipinlẹ Eko, Gboyega Akosile ninu ifọrọwerọ to ṣe pẹlu ileeṣẹ iroyin abẹle, ThePunch ni ile igbimọ aṣofin ipinlẹ Eko ko ti sọ idi ti wọn fi gbe igbesẹ naa fun Gomina Babajide Sanwo-Olu, fun idi eyi Gomina ko le ti sọrọ lori igbesẹ naa.

“Awa ko ti gbọ nnkan, ẹnu ẹyin oniroyin ni a ti n gbọ pe nnkan bayi waye

“A n si n duro de Abẹnugan ile igbimọ aṣofin ipinlẹ Eko lati ba wa sọrọ kí a to fọhun síta.”