Oríṣun àwòrán, AniagohIfeanyi
Seyi Tinubu, ọkan lara ọmọ oludije sipo aarẹ labẹ asia ẹgbẹ oṣelu APC, Asiwaju Bola Tinubu, ti rọ awọn eeyan ipinlẹ Anambra ati gbogbo ẹya Ndigbo lapapọ, lati dibo yan baba oun gẹgẹ bi aarẹ ninu eto idibo osu to n bọ.
Seyi Tinubu sọ eleyi lọjọ kẹrindinlogun, oṣu kinni, ọdun 2023 niluu Anambra pe o ṣe koko pe awọn eeyan dibo fun Bola Tinubu nitori pe ninu ẹẹya naa ni oun ti mu iyawo.
O salaye ni gbogbo ọna ni Baba oun fi ni iriri lati mu ilọsiwaju de ba orilẹede Naijria, to si tun ni ọpọlọ l;ati mu ayipada ati idẹrun de fun awọn araalu.
“Gbogbo eeyan ti sọ pe Baba mi ni oye ati iriri lati mu ayipada de orilẹede Naijiria.
“Ti yoo si sọ wa di ọkan pada ninu alaafia ati itẹsiwaju ninu eto aje.
“Mo n bẹ yin ni, ẹyin ẹẹya Ndigbo ati gbogbo Igbo ni apapọ pe ki ẹ dibo fun baba mi nitori pe ọmọ igbo ni mo fẹ gẹgẹ bi aya.”
Saaju ipade naa ni Ọba Peter Anukwui ti ilu Mbaukwu lati ijọba ibilẹ guusu Awka fi Seyi Tinubu jẹ oye Nwannedinamba
Ẹgbẹ̀ òṣèlú PDP wọ́ Tinubu lọ sílè ẹjọ́, rọ ilé-ẹjọ́ láti wọ́gilé tíkẹ́ẹ̀tì rẹ̀
Oríṣun àwòrán, BolaTinubu/facebook
Igbimọ ipolongo aarẹ fẹgbẹ oṣelu Peoples Democratic Party (PDP) sọ pe awọn ti bẹrẹ igbesẹ nilana ofin lati yọ oludije sipo aarẹ ti ẹgbẹ All Progressives Congress (APC), Bola Tinubu, lati maṣe dije dupo aarẹ ọdun yii.
Agbẹnusọ fun igbimọ ipolongo PDP, Kola Ologbodiyan, nigba to n ba awọn akọroyin sọrọ ni Abuja sọ pe ẹgbẹ PDP gba ile-ẹjọ lati beere ki ile-ẹjọ da Tinubu duro lati dije nitori awọn ẹsun ti o ni ṣe pẹlu gbigbe ogun oloro ni orilẹ-ede Amẹrika to wa lọrun rẹ.
Ẹgbẹ oṣelu PDP beere lọwọ ile-ẹjọ lati paṣẹ fun ajọ eleto idibo ti orilẹ-ede yii (INEC) lati tete yọ Bola Tinubu gẹgẹ bi oludije fun ipo aarẹ ninu ẹgbẹ APC tabi eyikeyii ẹgbẹ oṣelu.
Ẹgbẹ naa pe fun eto idajọ kiakia lori awọn ẹsun ti wọn fi kan Bola Tinubu ti wọn si pe fun idajọ to peye lori ilana ofin to dena awọn ti wọn ti wu iwa ọdaran lati dije dupo oṣelu orilẹ-ede yii.
Ṣaaju akoko yii ẹgbẹ oṣelu PDP ti kuna ni ile ẹjọ lati fofin de Bola Tinubu ẹsun eyi ti ile ẹjọ da sita.
Ni ọjọ kẹtala Oṣu Kiini, ọdun 2023 ni ile-ẹjọ giga ti ijọba apapọ ni Abuja wọgile ẹjọ kan ti ẹgbẹ PDP pe ki wọn yọ Tinubu ati igb keji rẹ, Kashim Shettima kuro ninu idibo aarẹ ọdun yii.
Nigba ti o n gbe idajọ kalẹ, Onidajọ Inyang Ekwo da ẹjọ naa silẹ nitori pe ẹgbẹ oṣelu PDP ko ni ẹri to daju lati gbe ẹjọ naa lẹsẹ.
Adajọ Ekwo ṣapejuwe ẹjọ naa gẹgẹ bi ilokulo ilana ile-ẹjọ.