Oríṣun àwòrán, Getty Images
Ojoojumọ ni gbọyii- sọyii nipa kikuro lẹgbẹ oselu PPD ààrẹ ana ni Naijiria, Goodluck Ebele Jonathan n gbooro síi jakejado orilẹede. Amọ njẹ ootọ ni?
Ẹgbẹ oṣelu Peoples Democratic Party (PDP) ti sọrọ pe àwọn kò tii gbọ ọrọ náà latenu ọlọrọ tii ṣe olori orilẹede Naijiria tẹlẹ ri.
PDP sọ fún BBC ni san Ọjọru pe ààrẹ ana, Goodluck Jonathan ko ti bun awọn gbọ lori boya o ni ààtò miiran lati kuro ninu ẹgbẹ.
Àwọn àmúyẹ fun gbígbọ́ orin ko le ṣiṣẹ lori ẹ̀rọ rẹ
Ọgbẹni Jonathan lo jẹ ààrẹ Naijiria lati oṣu karun ọdun 2010 titi di oṣu karun ọdun 2015 labẹ àsìá ẹgbẹ oṣelu PDP.
Bi iroyin naa se wa ni di eyi ti wọn ni gba bi ẹni n gba igba ọtí lo mú ki ẹgbẹ alatako ni Naijiria ìyẹn PDP tan imọlẹ sii.
A kò tii ri aridaju kankan bẹẹ sì ni awuyewuye hun ni gbilẹ ṣii lati alẹ ana.
Akọwe ẹgbẹ PDP, Kola Ologbondiyan ṣàlàyé fún BBC l’owurọ Ọjọru pe awọn o gbọ ohun tó jọ bẹẹ.
Ẹgbẹ to jẹ ẹgbẹ alatako lasiko ìṣèjọba Goodluck, APC náà bọlé lọdun 2015 to ni dije fún atunyan ti ààrẹ to wà lórí aleefa bayii, Buhari si jáwé olubori.
Eyi lo sọ Goodluck Jonathan di ààrẹ akọkọ to wà lórí oye ti wọn gbọn yọ pẹlu ibo.
Ẹwẹ, Ọga Jonathan pe Ààrẹ Buhari lati kii ku oriire koda ki àjọ INEC to kede esi. Eyi mú kí ọpọ ọmọ Naijiria nile ati lẹyìn odi ríi gẹgẹ bí “Akíkanjú alafia”.
Ẹgbẹ oṣelu PDP gbagbọ pe ihuwasi Goodluck yii lo tun mú ọkàn balẹ niluu tó si bori gbogbo wahala tabi itajesile ti orilẹede yìí ko ba foju ri.
Nibo ni Jonathan wa bayii?
Lati ọdún 2015 to ti fìdí rẹmi nipo ààrẹ, Ọga Jonathan ti sin orilẹede yìí ati ilẹ Afirika loniruuru ọna fún iṣẹ wiwa alaafia.
Eyi to ṣe laipẹ yìí ni iṣẹlẹ ipaniyan to waye ni Guinea nibi to ti ni ṣiṣẹ gẹgẹ bii olulaja fún àjọ ọrẹd’ẹgbẹ ECOWAS.
Lọwọlọwọ, o n ba awọn ologun f’ọrọ jomitoro ọrọ lori ọna abayọ to dara ju fun ẹkun naa.